CaspianLife, 30 қазан. «Қазақстандық автомобильдік одақ» заңды тұлғалар бірлестігінің президенті Анар Мақашева үкімет отырысында машина жасау саласындағы қазіргі жағдай туралы хабарлады.
Қазақстан Республикасының Премьер-министрі аппаратының баспасөз қызметі хабарлағандай, машина жасаудың жалпы көлеміндегі автомобиль жасау үлесі 39,4%-ды құрады, ал отандық автомобильдердің жаңа көліктердің жалпы сатылымындағы үлесі 63%-ға жетті. Биылғы жылдың қорытындысы бойынша Қазақстанда 130 мыңнан астам жеңіл автомобиль мен коммерциялық техника шығарылады деп күтілуде.
Автоөндірушілердің алдында тұрған негізгі проблемалардың қатарында логистика, сондай-ақ Қазақстанға «қылмыстық» өткені бар және техникалық регламентке сәйкес келмейтін автомобильдерді әкелу ісі тұрғаны атап өтілді. Осыған байланысты Премьер-министр мемлекеттік органға көлікті «көлеңкелі» жеткізу ісімен айналысуды тапсырды.
“Бұл мәселе өте маңызды. Ол отандық автоөндірушілер үшін адал бәсекелестікті тудырады. Әсіресе, бұл жүк көліктеріне қатысты айқын байқалады. Кеден органдары мен Стандарттау комитеті осы мәселені мұқият қарастыруы қажет. Сондай-ақ, полиция да атсалысуы керек. Мен автокөлік зауыттарының бірінде өндірушілермен кездескенімде, олар: «Біз өндіреміз, бірақ мұнда «Евро2» ретінде кіретін техникамен бәсекелесуге мүмкіндігіміз жоқ, ал құжаттарда «Евро5» болып көрінеді», — деп айтты. Мұнда қатал тәртіп орнату қажет,” — деді Олжас Бектенов.
(Қазақстан Республикасының Премьер-министрі аппаратының баспасөз қызметінің ақпараты бойынша)
