CaspianLife, 25 маусым. Сіз білесіз бе?
Қазақ мұнайының қара шаңырағы «Ембімұнайгаз» компаниясы 100 жылдық тарихында 118 миллион тоннадан астам қара алтын өндірген.
Сіз білесіз бе?
Атырау қаласы мен облыстың 4 ауданындағы алты өндірістік-құрылымдық бөлімшесі бар кәсіпорын 2023 жылы 2 млн 722 мың тонна мұнай және конденсат өндірген. Бұл жоспарланған көлемнен 16 мың тоннаға артық. Ембіліктер 2024 жылдың бірінші тоқсанында 682 мың тонна мұнай мен конденсат өндіріпті.
Сіз білесіз бе?
Компанияда жұмыс істейтін 800-ге жуық қыз-келіншектің басын қосатын «Мұнайшы қыз» клубы бар. Жалпы Ембімұнайгазда 30-ға тарта әйел басшылық қызметте.
Сіз білесіз бе?
Ембімұнайгаз 2023 жылы мұнаймен ластанған 50,1 га жерді қалпына келтірді. 2023-2025 жылдар аралығында компания зақымданған 142,2 га жерді қалпына келтіруді жоспарлап отыр.
Сіз білесіз бе?
Бүгінде ембілік 28 жас маман кәсіби және тұлғалық өсуге ықпал ететін дағдылар мен қасиеттерді шыңдау мақсатында «Серпін» жобасына қатысып жатыр. Былтыр жоба 3 модульден тұрса, биыл модуль саны – 5 . «Серпін» жобасы аясында әр жас негізгі мамандығы бойынша білімімен қатар тиімді коммуникативті дағдыларын жетілдіріп, ақпаратпен жұмыс істей білуге, кез келген жағдайға тез бейімделуге үйренеді.
Сіз білесіз бе?
2015-2023 жылдар аралығында «Дуалды оқыту бағдарламасы»аясында Ембі кен алаңдарында 306 студент тәжірибеден өткен. Оның 80-нен астамы компанияға жұмысқа орналасқан. Қазір бұл бағдарлама бойынша 78 жас дайындықтан өтіп жатыр.
Сіз білесіз бе?
Атыраудағы орталық көпірдің маңында, Жайықтың сол жақ жағалауындағы «Мұнайшылар даңқы» аллеясын Ембімұнайгаз компаниясы салып берген.
Сіз білесіз бе?
«Ембімұнайгаз» компаниясы 2012-2022 жылдар аралығында Ұлттық қор, республикалық және жергілікті бюджетке салық төлемдері ретінде 1 трлн 472 млрд. теңгеден астам, өңірдің инфрақұрылымын дамытуға – 5 млрд 640 млн теңгеге жуық қаражат аударды.
Сіз білесіз бе?
«Ембімұнайгаз» АҚ 2023 жылы «Үздік салық төлеуші» байқауында «Жер қойнауын пайдаланушы» номинациясы бойынша жеңімпаз атанды.
Авторы: Нұрбибі Теміртасова
Суреттер «Ембімұнайгаз» АҚ архивінен алынған
