CaspianLife, 10 тамыз — Ақтауда 5 тамызда халықаралық шығармашылық байқау өтті, деп хабарлайды CaspianLife.
Атыраулық TOP DANCE KZ би студиясының бишілері байқауда жоғары деңгейде өнер көрсетіп, кубок иеленді. Бишілердің қоржынында «Ең үлкен отбасы үшін» деп аталатын маңызды кубок бар.
Бұл топтың өнерін қалада өткізілетін концерттер мен іс-шаралардан жиі көруге болады. Көптеген республикалық, халықаралық байқау-фестивальдың лауретаты, жүлдегері атанған топтың жетекшісі — талантты хореограф Зарина Қаметова. Байқаудан кейін балалар экскурсияға шығып, билерін таспаға түсіріп, теңізге барып демалды. Олар қазір өздерінің мерейтойлық концертіне дайындық үстінде.
