CaspianLife, 31 шілде — Атырауда көпқабатты тұрғын үйлердің қасбеттері жаңартылуда, деп хабарлайды Caspian Life қалалық әкімдіктің баспасөз қызметіне сілтеме жасап.
«Қалалық тұрғын үй-коммуналдық шаруашылық және тұрғын үй инспекциясы бөлімі» мемлекеттік мекемесінің басшысы Бақтияр Хамидуллаев «Алмагүл» шағын ауданындағы көпқабатты тұрғын үйлердің сыртқы қасбеттерін жөндеу, сырлау бойынша атқарылып жатқан жұмыстарды қадағалады.
Биыл аталған аумақтағы 16 үйді сырлау жұмыстары қарқынды жүргізілуде. Аталған жұмыстар шілде айында басталды. Оған «Ер-Нұр Строй и К», «Сенім»2016 және «РимСтройСервис» ЖШС-тері жауапты. Сонымен қатар, Исатай Тайманов 58 және Бақтыкерей Құлманов 107 тұрғын үйлерінің қасбеттері жөнделуде. Жөндеу жұмыстарын «Жайық Сити» мердігер мекемесі атқаруда. Жөндеу, сырлау жұмыстары қазан айына дейін аяқталады.
Мекеме басшысы 100 аула жобасы бойынша атқарылып жатқан жұмыстарды қадағалады. Сондай-ақ, әкімдік мердігерлердің тұрғын үйлерді архитектуралық талаптарға сәйкес сапалы боялуын өз бақылауында ұстайды.
