CaspianLife, 10 шілде — Құрманғазы ауданына әкім тағайындалды, деп хабарлайды CaspianLife.
Ауданның жаңа басшысы Абат Жанғалиевті жергілікті активке облыс әкімі Серік Шәпкенов таныстырды. Бұл туралы облыс әкімінің баспасөз қызметі хабарлады. Абат Жанғалиев 46 жаста. 2021 жылдың наурызынан бастап күні бүгінге дейін АШМ-не қарасты Агроөнеркәсіптік кешендегі мемлекеттік инспекция комитетінің Астана қаласы бойынша аумақтық инспекциясының басшысы болып еңбек етті. Батыс Қазақстан аграрлық университетін «агрохимия және топырақтану» мамандығы, Қазақстанның инновациялық және телекоммуникациялар жүйелер университетін «құқықтану» мамандығы бойынша тәмәмдаған. Еңбек жолын 1999 жылы шаруа қожалығында тері өңдеуші болып бастады. 2000-2021 жылдар аралығында Атырау облыстық аймақтық басқармасының шекарадағы мал дәрігерлік-фитосанитариялық қадағалау бекетінің мемлекеттік фитосанитариялық инспекторының міндетін атқарушы, бөлім, инспекция бастығы секілді қызметті атқарды.
