CaspianLife, 11 шілде — Құрманғазы ауданында 6 шілде – Астана күніне орай ауқымды іс-шара өтті, деп хабарлайды CaspianLife.
Орталықта бас қосқан аудан тұрғындары мен қонақтарын аудан әкімінің міндетін атқарушы Нұрлыбек Қалиев құттықтады.
«Күн санап көркейіп, жайнай түскен Астана жастықтың, жасампаздықтың жарқын үлгісіне айналып, әрбір қазақстандықтың жүрегіне жол тапты. Әсем қаламызды барша қазақстандықтар, соның ішінде киелі мекен Құрманғазының барша тұрғындары да мақтаныш тұтып, Елорда мерейін асқақтатуға адал еңбегімен өз үлестерін қосуда. Жалпы Астана өзінің 25 жылдық тарихында уақытпен үндесе бой түзеп, әлем қызыққан Елордаға айналып отыр. Күн санап көркейген қаламыздың жыл өткен сайын маңызы артып, мәртебесі өсе түсті. Оған, қай-қайсымыз да тарихымен, дәстүрімен, мәдениетімен қайталанбас қолтаңбамызды қалдырғанымызды біле жүруіміз керек» — деді Құрманғазы ауданы әкімінің м.а Нұрлыбек Қалиев.
Мерекелік іс-шара аудандық мәдениет үйінің өнерпаздарының концертімен аяқталды.
Фото: Ult.kz
