CaspianLife, 30 маусым — «Білім-инновация» мектеп-лицейінің оқушысы Аят Абдуллаев Албания астанасы Тиранада математикадан өткен 27-нші халықаралық Балқан олимпиадасында үшінші орын алып, қола медаль иеленді,- деп хабарлайды caspianlife.kz. Дарынды оқушыны ата-анасы, ұстаздары күтіп алды. Балқан олимпиадасына 20 мемлекеттен 130-ға жуық жасөспірім қатысты. Бұл білім додасы негізінен Балқан түбегі мемлекеттерінің оқушыларына арналған. Оған қонақ ел ретінде қатысқан қазақстандықтардың қоржынында 6 медаль бар.
Атыраулық оқушы халықаралық байқаудан жүлделі оралды
