CaspianLife, 26 маусым — Саламат Мұқашев атындағы Атырау политехникалық жоғары колледжін бітірген 390-ға жуық студент диплом алды,-деп хабарлайды caspianlife.kz. Оның 9-ы үздік студент. Одан бөлек тәжірибеден өтіп жұмысқа орналасқан жас мамандарға еңбек кітапшасын табыстау рәсімі өтті. Түлектерге құжатты «Атырау мұнай өңдеу зауыты» ЖШС-нің бас директорының өндіріс жөніндегі бірінші орынбасары Әділет Тұрысханұлы табыстады. Салтанатты іс-шараға оқу орнының серіктестері — жергілікті мұнай-газ компанияларының өкілдері қатысты. Қазіргі уақытта Саламат Мұқашев атындағы политехникалық жоғары колледжінде 2000-ға жуық студент 22 мамандық бойынша білім алып жүр.
Түлектерге диплом және еңбек кітапшасын тапсыру салтанаты өтті
