CaspianLife, 13 наурыз — Атыраулық баскетболшылар ел чемпионы атанды. Жасөспірімдер наурыздың 2 мен 8 аралығында Алматыда өткен чемпионатта 12 команданың арасынан үздік шықты, деп хабарлайды Caspian Life.
Атырау облыстық құрама командасы жартылай финалда оңтүстік астаналық спортшыларды артта қалдырса, финалда астаналық баскетболшыларды ұтты.
Бұл — атыраулық жас баскетболшылар командасының алғашқы жеңісі емес. Олар бұған дейін 5 рет Қазақстан чемпионы атанған еді.
