CaspianLife, 22 шілде — Атыраулық полицейлер синтетикалық есірткі заттарын сақтап, тасымалдаған нигериялық азаматты ұстады деп хабарлайды полиция департаментінің баспасөз қызметі.
24 жастағы азамат тізгіндеген «Shevrolet cruze» маркалы автокөлікті тінту кезінде әрқайсысы салмағы 1 граммдай болатын оралған 5 дана полиэтилен қап тәркіленді. Сараптама қорытындысы бойынша, оның мефедрон есірткісі екені анықталды.
Қазіргі уақытта күдікті уақытша ұстау изоляторына қамауға алынып, сотқа дейінгі тергеу амалдары жүргізілуде.
