CaspianLife, 2 қаңтар — 2022 жылғы 3 қаңтардан бастап зауыттағы ЭЛОУ-АВТ-3, CCR, КУ ГБД және Parisom қондырғылары жоспарлы түрде 9 күнге тоқтатылады.
Бұл қондырғылардың жұмысы жоспарлы алдын алу жұмыстары кестесіне сай, биылғы жылдың қыркүйек айында тоқтатылуы тиіс еді. Алайда, Қазақстан Республикасының ішкі нарығын стратегиялық мұнай өнімдерімен, атап айтқанда, дизель және автомобиль отынымен қамтамасыз ету қажеттілігі назарға алынды.
Энергетика министрлігімен, «ҚазМұнайГаз» ҰК» АҚ-мен алдын ала келісілген жоспарлы-алдын алу жұмысын 2021 жылғы қыркүйектен 2022 жылғы қаңтарға ауыстыру туралы шешім қабылданды.
2022 жылғы қаңтарда «АМӨЗ» ЖШС төрт технологиялық қондырғысында өнеркәсіптік қауіпсіздік нормаларын сақтау шеңберінде статискалық жабдықты диагностикалау, инспекциялау және динамикалық жабдықтың жұмысын тексеру, сондай-ақ 3 технологиялық қондырғыдағы катализаторларды ауыстыру көзделген», -деп хабарлады кәсіпорынның баспасөз қзыметі.
Осы кезеңде барлық жоспарланған іс-шараны іске асыру үшін «ҚазТурбоРемонт» БК» ЖШС-нің Атырау филиалы, «НефтеСтройСервис», «IQS Engineering», «Gold Sunray», «Интра», «РМУ-Шымкент», «Техноконтроль», «ИнжПромКомпани», «ОргНефтеХим», «Buchen Industrial Service», «Catalyst Service», «AVC», «Еuroslot», «Axens» және «UOP» серіктес компанияларды тарту жоспарланып отыр.
Ал, 4 технологиялық қондырғыда жоспарлы-алдын алу жұмыстары кезінде қалған өндірістер бекітілген өндірістік жоспарға сәйкес өнімді шығару, жөнелту штаттық режимде жұмыс істеуді жалғастыратын болады.
