CaspianLife, 16 қыркүйек — Таэквондодан Қазақстан құрамасының өкілі Жансель Дениз Түркияда өткен халықаралық турнирде жеңіске жетті.
Бұл туралы бүгін ҚР Ұлттық Олимпиада комитетінің (ҰОК) сайтында хабарланды. Ыстамбұлда таеквондодан «WT President’ s Cup Europe» халықаралық рейтингтік турнир өтті. Жарыс қорытындысы бойынша Қазақстан командасы екі медальға ие болды. 73 келіге дейінгі салмақ дәрежесіндегі әйелдер арасындағы жарыста Жансель Дениз (Атырау облысы ұлттық құрамасында өнер көрсетеді) турнирдің алтын медалін жеңіп алды. Ерлер арасында Самирхон Әбубәкіров 54 келі салмақ дәрежесінде қола жүлдеге ие болды.