Жаңа Зеландияда «Жыл құсы» байқауында дауыс беру аяқталды. Нәтижесінде, жыл құсы ретінде Какапо тотықұсы таңдалған. Мұндай сайысты ұйымдастырудағы басты мақсат – жойылып кету қаупі бар жануарлардың проблемаларына қоғам назарын аудару.
Какапо бұрын елдің барлық аумағында өмір сүрген. Қазір тек жыртқышы жоқ аралдарда ғана тіршілік етеді. Тотықұс осымен екінші рет жыл құсы ретінде таңдалып отыр. Бұған дейін ол 2008 жылда да осы атаққа ие болған. Кейде үкі тотықұсы деп аталатын қанатты Жаңа Зеландияда ғана өмір сүреді және түнде ұшпайды. Оның денесінің ұзындығы шамамен 60 см болады. Ересек құстарының салмағы 2 ден 4 келіге дейін жетеді. Ерекше сипаттамаларының бірі – одан гүл мен балдың иісіне ұқсас тәтті иіс шығады.