Маңғыстау облысы, Түпқараған ауданындағы Таушық ауылында демеушілердің көмегімен ойын алаңдары жарықтандырылды.
Ауылдың азаматтары Қ.Жұбайұлы мен Ардагерлер көшесіндегі ойын алаңдарына жарық қондырды. Бұл туралы Таушық ауылы әкімінің міндетін атқарушы Нұржан Бақтыбаев мәлім етті.
Нұржан БАҚТЫБАЕВ, Таушық ауылының әкімі:Ауыл тұрғындарының өтінішін ескере отырып, Ардагерлер көшесіне жарық қондырылды. Сондай-ақ, осы көшедегі орналасқан ойын алаңы мен Қ.Жұбайұлы көшесіндегі балалар ойын алаңы мен ашық спорт алаңдарына жарық шамдары орнатылды. Бұл жұмыстар демеушілердің көмегімен жүзеге асырылды. Сондай-ақ, балалар ойын алаңдары жаңартылып, сырланды.
Әкімнің айтуынша, қазіргі уақытта Таушық ауылының көшелері 100 пайыз жарықтандырылған.