CaspianLife, 12 тамыз. Ресейдің Татарстан Республикасындағы Нижнекамск қаласына жасалған дрон шабуылының салдары Қазақстанның мұнай өңдеу саласына жанама кері әсерін тигізуі мүмкін.
Батыс Қазақстан облысында орналасқан «Конденсат» АҚ мұнай өңдеу зауытына Ресей тарапынан келетін шикізат жеткізілімі тоқтап қалу немесе шектелу қаупі туындады.
Батыс Қазақстандағы «Конденсат» МӨЗ-і өндірістік қуатын толық пайдалану үшін Ресейден (оның ішінде Татарстандағы мұнай-химия кешендерімен инфрақұрылымдық байланыстар арқылы) шикізат пен бензин компоненттерін импорттап келген. Нижнекамсктегі «Танеко» және «ТАИФ-НK» сияқты ірі мұнай өңдеу зауыттары мен логистикалық хабтарға жасалған шабуылдар Ресейдің ішкі нарығындағы мұнай өнімдерінің логистикалық шынжырын бұзды. Жеткізу тізбегінің бұзылуы салдарынан «Конденсат» зауытына қажетті шикізат көлемі азайып, өндіріс жүктемесінің төмендеуіне немесе өнім шығарудың уақытша тоқтауына алып келуі мүмкін.