Оның айтуынша, бұл шара бензинге, дизель отынына және авиациялық керосинге қатысты болады. Бастама үшінші елдерден, ең алдымен Қытайдан, жанармай жеткізуге жол ашуға бағытталған.
– Біз белгілі бір кезеңде жанармай тапшылығы туындаған жағдайда үшінші елдерден импорт жасау мүмкіндігін қалыптастыруды көздеп отырмыз, – деді Жанель Күшікова.
Вице-министрдің сөзінше, бұған дейін Қазақстан үшін негізгі жанармай жеткізуші Ресей болса, қазіргі жағдайда Үкімет балама жеткізу көздерін қарастырып жатыр.
Сондай-ақ ол елдегі авиациялық керосинге деген сұраныс толық көлемде қамтамасыз етілмейтінін айтып, оның бір бөлігін шетелден сатып алуға тура келетінін жеткізді. Бұл мәселе Еуразиялық экономикалық комиссия аясында пысықталуда.
Сонымен қатар Қазақстаннан тыс жерлерге жанармай шығаруға қойылған шектеулер өз күшінде қалатыны атап өтілді.