CaspianLife, 25 желтоқсан. Жайық-Каспий бассейндік балық шаруашылығы инспекциясының (балық қорғау) қызметкерлері заңсыз балық аулау құралдарын анықтап, тәркіледі.
Бұл туралы инспекцияның ресми өкілі Олег Тушканов хабарлады. Оның айтуынша, 24 желтоқсан, жексенбі күні, Жайық өзенінің төменгі бөлігінде Дамбы, Теңіз, Атырау және Махамбет балық инспекцияларының қызметкерлері
Жайық-Каспий бассейндік балық шаруашылығы инспекциясының (балық қорғау) қызметкерлері заңсыз балық аулау құралдарын анықтап, тәркіледі.
Бұл туралы инспекцияның ресми өкілі Олег Тушканов хабарлады. Оның айтуынша, 24 желтоқсан, жексенбі күні, Жайық өзенінің төменгі бөлігінде Дамбы, Теңіз, Атырау және Махамбет балық инспекцияларының қызметкерлері браконьерлікті тоқтату мақсатында рейдтік іс-шара өткізді.
«Рейд барысында инспекторлар 103 дана браконьерлік торды тәркіледі. Көбінесе мұндай торлар заң бұзушылар тарапынан түнде орнатылады. Аталған құқық бұзушылықтар бойынша әкімшілік хаттамалар толтырылып, браконьерлік құралдардан алынған майда балықтар «Тлекши» ЖШС-не тапсырылды», — деді О. Тушканов.
Оның айтуынша, бірнеше ескертуге қарамастан, кейбір әуесқой балықшылар рұқсат етілмеген әдістерді қолданады. Соның ішінде, қармаққа жем салмай, багрение әдісін пайдаланады. Мұндай әрекеттер балық қорғау инспекторларының бейнебақылау жазбалары арқылы тіркеледі. Кейін құқық бұзушыларға қатысты ӘҚБтК-нің 383-бабының 3-бөлігі бойынша әкімшілік материалдар дайындалып, сот органдарына жіберіледі.
«2025 жылдың 1 қаңтарынан бастап мұндай заң бұзушылық үшін айыппұл мөлшері 78 640 теңгені құрайды, ал бір жыл ішінде қайталанған жағдайда 157 280 теңге айыппұл салынады», — деп атап өтті инспекция өкілі.