CaspianLife, 21 қазан. Құм мен құмды-шағыл тасты қоспасына арналған катализаторлар Қазақстан жол ғылыми-зерттеу институты ұйымдастырған аймақтық семинарда таныстырылды.
Қазақстан Республикасы Көлік министрлігінің баспасөз қызметінің хабарлауынша, «Инновациялар және кадрлар: Батыс Қазақстанның жол инфрақұрылымын дамыту перспективалары» тақырыбындағы семинарға еліміздің батыс өңірлерінен жол мамандары қатысты. Семинардың ашылуында Көлік вице-министрі Сәтжан Аблалиев сөз сөйледі.»
«Семинарда Атырау және Батыс Қазақстан облыстарында өңделетін отандық жол құрылысына арналған технологиялар мен материалдар таныстырылды. Қазақстандық өндірушілердің жергілікті жағдайларда жол жамылғысының сапасын жақсартуға бағытталған жетістіктері мен инновацияларына ерекше назар аударылды.
«Семинардың негізгі тақырыптарының бірі «ҚазжолҒЗИ» ғалымдары әзірлеген жаңа материалдарды қолдану болды. Мысалы, бұл құм мен құмды-шағыл тасты қоспасына арналған катализаторлар. Бұл материалдар жол жамылғысының беріктігі мен ұзақ мерзімділігін айтарлықтай арттырады, бұл экстремалды климаттық жағдайларда, температура +45-тен -45 градусқа дейін өзгеретін жерлер үшін аса маңызды», — делінген Қазақстан Республикасы Көлік министрлігінің баспасөз қызметінің хабарламасында.»
Сурет: Telegram-канал «ҚР Көлік министрлігі»
