CaspianLife, 2 қыркүйек. Бас прокуратура мен Қаржы мониторингі агенттігінің қызметкерлері Біріккен Араб Әмірліктерінен заңсыз ойын бизнесі нұйымдастырғаны үшін қылмыстық жауапкершілікке тарту үшін Қазақстан азаматын экстрадициялады.
Қазақстан Республикасы Бас прокуратурасының баспасөз қызметі хабарлағандай, Күдікті 2023-2024 жылдар аралығында Атырау облысында букмекерлік кеңсе түріндегі заңсыз ойын бизнесін ұйымдастырып, нәтижесінде 21 млн теңге көлемінде пайда тапқан.
Қылмыс жасағаннан кейін күдікті жасырынып, халықаралық іздеуге жарияланды.
Ағымдағы жылдың тамыз айында ол Абу-Даби қаласының аумағында ұсталып, кейіннен Қазақстан Республикасына экстрадицияланды.
Айта кетері, ол бұрын осындай қылмыс жасағаны үшін сотталған.
Қазіргі уақытта күдікті Астана қаласының тергеу изоляторына қамалды.
Айыпталған қылмыс жасағаны үшін мүлкі тәркіленіп, 4 жылдан 7 жылға дейінгі мерзімге бас бостандығынан айыру жазасы қарастырылған.