CaspianLife, 16 тамыз — Исатай ауданында кіші аяқ добынан аудандық лига ойындары басталды, деп хабарлайды CaspianLife.
Іс-шараны аудандық мәдениет және спорт бөлімі, «Барыс» балалар және жасөспірімдер дене шынықтыру даярлық клубы мен аудандық жастар ресурстық орталығы ұйымдастыруда. Басты мақсат – жастардың жазғы демалысын тиімді өткізу. Аудандық лигаға 7 ауылдық округтен 16 команда қатысып жатыр. Ережеге сәйкес әр команда Атырау қаласынан немесе өзге аудандардар екі ойыншы алуына болады. Бірақ ойын кезінде алаңда бір ғана лигионер болуы шарт.
Ойындар әр аптаның сенбі – жексенбі күндері өтуде. Жалпы лига ойыны қыркүйек айының аяғына дейін жалғасады. Екі айға созылатын доп додасында 15 кезеңде шамамен 120 ойын өтеді деп жоспарланып отыр.
