CaspianLife, 27 наурыз — Қазақстан құрамасы Данияны 3:2 есебімен жеңді.Футболдан 2024 жылғы Еуропа чемпионатының іріктеу ойынында Қазақстан құрамасы өз алаңында Даниямен кездесті деп хабарлайды сaspianlife.kz inbusiness.kz сайтына сілтеме жасап. Ел құрамасы құрлықтық додада H тобында сынға түседі. Қарсыластары – Дания, Словения, Финляндия, Солтүстік Ирландия және Сан-Марино. Алғашқыда даниялық футболшылардың басымдығы байқалып, Расмус Хёйлунн 21, 36-минутта қос гол соқты. Ойынның 73-минутында даниялық футболшылар өзінің айып алаңында ереже бұзды. Қақпаға белгіленген пенальтиден Бактиёр Зайнутдинов мүлт кеткен жоқ. Ал 86-минутта Асхат Тағыбергеннің голы қақпаға дөп тиді. Сондай-ақ 89-минутта әуелеп келген допты Абат Айымбетов баспен қақпаға енгізді. Осылайша, Қазақстанның құрама командасы қарсыласынан 3:2 есебімен басым түсті
.
