CaspianLife, 25 шілде — Атырауда алғаш рет Динара Сәдуақасова атындағы Шахмат академиясының ұйымдастыруымен «ATYRAU CHESS FESTIVAL 2022» халықаралық шахмат фестивалі өтеді деп хабарлайды Өңірлік коммуникациялар қызметі.
Аталмыш жарыс 15-24 тамыз аралығында «Абай» орталығында болады. Оған әлемнің түкпір-түкпірінен келген халықаралық гроссмейстерлер, шеберлер және әуесқой шахматшылар қатысатын болады.
Фестивальға қатысу үшін 2022 жылдың 1 тамызына дейін www.atyrauchessfestival.kz сайты арқылы тіркеуден өту керек. Қосымша ақпараттарды да көрсетілген сілтеме арқылы анықтай аласыз.
Фестивальдің жүлде қоры 13 257 500 теңгені құрайды. Сонымен қатар, фестиваль қорытындысы бойынша жеңімпазға Қазақстан-Британ техникалық университетіне бакалавриат пен магистратураға грант беріледі
