Caspian.life 13 қазан. Қазақстанның Бәсекелестікті қорғау және дамыту агенттігі inDrive сервисіне алдын ала ескерту жолдады.
Бұған 11 қазанда «Яндекс Go» сервисі уақытша қолжетімсіз болған кезде жол жүру құнының едәуір өскені туралы ақпараттар себеп болды. Кейбір жағдайда такси бағасы үш есеге жуық қымбаттаған.
Агенттіктің мәліметінше, сұраныстың артуы мен бос көліктердің тапшылығы жүргізушілер ұсынған тарифтердің өсуіне әсер еткен. Осыдан кейін inDrive комиссияны төмендетіп, баға бойынша саудаласу шектеріне қатысты шектеулер енгізген.