Caspian.life 13 қазан. 13 қазаннан бастап Ақтөбе мен Шымкентте тұрғындар жедел жәрдем көлігінің қозғалысын нақты уақыт режимінде бақылай алады. Бұл мүмкіндік әзірге өмірге тікелей қауіп төнген бірінші санаттағы шақыртуларға арналған. Қосымшасы жоқ азаматтарға SMS арқылы сілтеме жіберіледі.
Жедел жәрдемнің келу уақыты өзгерген жоқ:
1-санат – 10 минутқа дейін;
2-санат – 15 минутқа дейін;
3-санат – 30 минутқа дейін;
4-санат («шұғыл емес жағдайлар») – 60 минутқа дейін.
Медицина қызметкерлері аудио және видео жазба жүргізетін видеожетондармен жабдықталады. Бұл шара медиктердің қауіпсіздігін күшейтуге бағытталған.
Егер медицина қызметкерлерінің өміріне қауіп төнсе, шақырту полиция қызметкерлерінің қатысуымен өтеді.