CaspianLife, 30 қыркүйек. Қазақстан Республикасының энергетика вице-министрі Әлібек Жамауов Атырау облысының тұрғындарымен кездесу өткізіп, өңірдің отын-энергетика кешеніндегі қазіргі жағдай туралы айтты.
Қазақстан Республикасы энергетика министрлігінің баспасөз қызметінің мәліметі бойынша, 2023 жылдың қорытындысы бойынша Атырау облысында мұнай өндірісінің көлемі 52,5 млн тоннаға жетті. Биылғы жылдың 8 айында өндіріс көлемі 33,5 млн тоннаны құрады. Елдегі үш негізгі мұнай кен орындарында ірі жобаларды жүзеге асыру жұмыстары жалғасып жатыр.
2024 жылы Теңіз кен орнында Келешекте кеңейту жобасы жүзеге асырылуда, бұл мұнай өндіруді жылына 12 миллион тоннаға арттыруға мүмкіндік береді.
Қарашығанақ кен орнында 4-ші және 5-ші газды қайта айдау компрессоры іске қосылып, 6-шы компрессордың құрылысы басталды.
Бұл жобалар кен орнында өндіруді жылына 10-11 млн. тонна деңгейінде ұстап тұруға бағытталған.
Қашағанда қуаты 1 млрд.м3 ілеспе газды қайта өңдеу бойынша жобаны іске асыру басталды. Қуаттылығы 2,5 млрд м3 газды құрайтын Қашағанда (2А фазасы) ГӨЗ құрылысы жобасын іске асыру бойынша жұмыстар жалғасуда.
Сондай-ақ, мұнай айналымын бақылау мақсатында бүгінде мұнай айналымының 95 %-ын қадағалауға мүмкіндік беретін мұнай мен газ конденсатын есепке алудың ақпараттық жүйесі іске қосылды. Бұл ретте жаңа мұнай-химия жобаларын жүзеге асыру жалғасуда.
Өткен жылы қуаты жылына 500 мың тонна полипропилен өндіретін зауыт іске қосылды.
Қуаты жылына 380 мың тонна бутадиен және жылына 1,250 млн. тонна полиэтилен өндіру бойынша жобалар іске асыру сатысында тұр.
Сонымен қатар полиэтилентерефталат, метанол, карбамид өндіру бойынша жобаларды іске асыру бойынша жұмыстар жүргізіліп жатыр.
«Мұнай химиясы экономиканың аралас салаларында шағын және орта бизнесті дамытуға мүмкіндік береді. Әрбір кейінгі қайта бөлумен мұнай-газ-химия өнімдерінің құны артады, 4-ші қайта бөлуден кейін өнімнің құны 10 есе артады» — деп атап өтті вице-министр.
Есептік кездесуден кейін вице-министр азаматтарды жеке қабылдады, оның аясында тұрғындар өздерін қызықтырған сұрақтарға толық жауап ала алды.
Сондай-ақ, вице-министр Атырау облысына жұмыс сапары аясында Атырау мұнай өңдеу зауыты мен «Редут-Финская» нысанында болып, аталған нысандардың жұмыс барысымен танысты.
(Қазақстан Республикасы энергетика министрлігінің баспасөз қызметінің мәліметі бойынша)
