CaspianLife, 7 тамыз — Атыраулық оқушылар Caspian News телеарнасының жұмысымен танысты. Болашақ журналистер Atyrau Bilim Media жобасы аясында телеарна ғимаратын аралап, кәсіби мамандардың жұмысын көрді, деп хабарлайды CaspianLife.
Арна редакторлары жасөсіпірімдерді ақпараттық бөлімнің тыныс-тіршілігімен таныстырды. Оқушылар жаңалықтың дайындалу сәтінен бастап эфирге дейінгі процесті бақылады. Тіпті диктор болып, камера алдында мәтін де оқыды. Atyrau Bilim Media жобасы мектеп журналистикасын дамытып, оқушыларды қоғамдық өмірге араластыруға бағытталған. Тәжірибе жинауға мүмкіндік берген экскурсияға 10 мектептің оқушылары қатысты. Каспиан ньюс телеарнасының қызметкерлері болашақ әріптестерін мамандықтың қыр-сырына баулуға, үйретуге дайын екендіктерін жеткізді. Жоба жетекшілері енді радио және газет редакцияларына да экскурсия ұйымдастыруды жоспарлап отыр.
