CaspianLife, 31 шілде — Атырауда 76 үйдің ауласын абаттандыру жұмыстары басталды, деп хабарлайды Caspian Life қала әкімдігінің баспасөз қызметіне сілтеме жасап.
Пәтер иелері кооперативтері мен тұрғындардың ұсыныстарына сәйкес жасақталған «100 аула» жобасы 2022 жылы қолға алынған болатын. Жасақталған жоба ішінде тұрғын үй аулаларының автокөлік жолы мен жаяу жүргіншілер жолдарын қалпына келтіру, балалар ойын алаңдары мен кіші аяқ доп алаңдарын орнату қарастырылған.
Қала әкімінің орынбасары Серік Нсанбаев «Огородный», «Вокзал маңы», «Алмагүл» ықшам ауданындағы тұрғын үйлерде жүргізіліп жатқан абаттандыру жұмыстарының сапасын тексерді.
Аталған жұмыстар жыл соңына дейін аяқтау көзделіп отыр.
