CaspianLife, 21 шілде – Атырау қаласында тағы да 2 BINOM мектебі салынады деп хабарлайды caspianlife.kz.
Бұл туралы Атырау облысы әкімінің орынбасары Жасұлан Бисембиев телеграм каналына жазды.
Заманауи мектептердің бірі «Авангард» ықшам ауданынан бой көтерсе, енді бірі Шоқан Уәлиханов көшесімен байланысатын Жәңгір хан, Тұмар ханша өткелдері қиылысқан аумақта салынбақ. Қазіргі уақытта қажетті жер телімдерін анықтау, бекіту жұмыстары жүруде.Құрылыс жұмыстары 2024 жылы басталады . 2 мың орындық қос мектеп мемлекет пен жекеменшік әріптестік аясында салынғалы отыр.
