CaspianLife, 17 мамыр — Мейірбек Төлегенов панкратионнан әлем чемпионы атанды, деп хабарлайды CaspianLife.
Ташкентте өткен халықаралық додада спортшы 62 келі салмақ дәржесінде бақ сынасқан. Елге оралған жеңімпазды туыстары мен достары әуежайдан күтіп алды. Мейірбек Төлегенов – алғаш рет әлем чемпионы атанып отыр. Ал оның спорт саласында жүргеніне 7 жыл. Ол осы біріншілікке шамамен 2 ай үзбестен дайындық жасапты.
«Өте қызық сезім болды. Біріншіден өз-өзіме сенбедім. Ақырында жеттім ау дегендей. 2-3 күн өткеннен кейін барып сезілді. Қазақтың туын желбірету арманым еді. Сол арманымның бірі орындалды» — деді панкратионнан әлем чемпионы Мейірбек Төлегенов.
