CaspianLife, 12 қаңтар — Атыраулық Алтынай Төлеген WAF AWARDS жүлдесін жеңіп алды, деп хабарлайды CaspianLife.
Македония астанасы Скопье қаласында вокал әлемінде тамаша оқиға өтті. 9 қаңтарда өткен Дүниежүзілік фестивальдер қауымдастығы вокалдық байқауына «WAF CONTEST-2023» 16 елден 32 үміткер қатысты.
Бұл жарыста Қазақстанның атынан Алтынай Төлеген қатысып, 2 орынды иеленді.
Алтынай сонымен қатар 2022 жылы WAF 12 үздік вокалистінің арасында WAF AWARDS сыйлығын жеңіп алды. Бұл номинацияда Алтынай MDFI ALMALY.KZ-2022 бас жүлдесінің иегері ретінде Қазақстанның атынан шықты.
️ «WAF AWARDS» сыйлығына әлемнің түкпір-түкпірінен музыка саласында үлкен жетістіктерге жеткен вокалисттердің 12 баласы, соның ішінде Алтынай Төлеген таңдалды. Бұл сыйлық жас таланттарға екінші рет беріліп отыр. Өткен жылы бірінші рет өткен WAF AWARDS байқауында еліміздің атынан көптеген халықаралық байқаулардың жеңімпазы және лауреаты атанған Санат Асуат қатысты.
