CaspianLife, 20 мамыр — 15 жасар ақтаулық жасөспірім ата-анасының көлігін рұқсатсыз алып, полицейлерден қашқан. Жас «жүргізуші» жол ережесін де сақтамай, апаттық жағдай туғызды. Полицейлер тәртіп бұзушының мас болмағанын айтады.
-Тергеу барысында жасөспірім көлік кілтін рұқсатсыз алғанын білдік. Тәртіп бұзушы кәмелет жасқа толмағандықтан, хаттаманы ата-анасына толтырдық. Олар «Құжатсыз көлік жүргізу» мен «Көлік жүргізу кезінде телефон қолдану» баптары бойынша әкімшілік жауапкершілікке тартылады, — деп мәлімдеді полицейлер.