CaspianLife, 31 қаңтар — 30 қаңтар күні сағат 17:30 шамасында Атырау қаласындағы Вокзал маңы 3 мөлтек ауданындағы көпқабатты үйінің бірінші қабатынан өрт шыққан.
Полиция басқармасының жергілікті полиция қызметі бөлімінің учаскелік инспекторлары аталған-мекен жайда тұратын 30-ға жуық тұрғынды дер кезінде эвакуациялап үлгерді. Құтқару операциясы кезінде өрт шыққан пәтерде тұрғынның ұйықтап қалғаны анықталды.
Өрт үйдің дәлізіндегі газ трубасы жарылуынан пайда болған.
Зардап шеккендер жоқ.
