CaspianLife, 27 шілде — Рио-2016 олимпиадасының күміс жүлдегері қазақстандық боксшы Василий Левит Токио-2020 Олимпиадасында жеңіске жете алмады.
1/8 финалда 91 келіге дейінгі салмақта Левит Испаниядан келген Эммануэль Рейестен жеңіліп қалды. Екінші раундта қазақстандық спортшы нокаутқа кетті.
Рейестің келесі қарсыласы — Рио Олимпиадасының чемпионы және үш дүркін әлем чемпионы кубалық Хулио Сезар Ла Крус болады.
Бұған дейін де бокстан Қазақстан құрамасы жеңіліске ұшыраған болатын. 69 келіге дейінгі салмақта өнер көрсеткен Абылайхан Жүсіпов 1/8 финалда қарсыласын жеңе алмады.