CaspianLife, 3 шілде — АҚШ билігі Орталық Азияның үш еліне америкалық әскери күштермен жұмыс істеген ауғандықтарды уақытша паналатуды сұрады. Қазақстанның Сыртқы істер министрлігі бұл мәселе бойынша түсініктеме беруден бас тартты.
Джо Байден әкімшілігі қақтығыс кезінде американдық әскерлермен тығыз жұмыс істеген ауғандықтарға иммиграциялық виза беруді тездетуге уәде берген. Жергілікті БАҚ-тың мәліметінше АҚШ-тағы арнайы визаға өтініш берушілердің саны шамамен 18 мың адамды құрайды. Тағы 9 мыңға жуығы құжаттарды тапсыру процесін бастамақ.
Мемлекеттік департаменттің өкілі Нед Прайс ауғандықтарды қайда жіберуге болатынын хабарлаған жоқ. Ол олардың және отбасыларының әскери контингент осы жылдың қыркүйегіне дейін Ауғанстаннан шыққанға дейін елден тыс жерлерге кетуге мүмкіндігі бар екенін айтты.
Бейсенбі, 1 шілдеде Мемлекеттік хатшы Энтони Блинкен Өзбекстан мен Тәжікстан Сыртқы істер министрлері Абдулазиз Камилов пен Сироджиддин Асловпен кездескен. Блинкен Камиловқа «Өзбекстанның Ауғанстандағы бейбіт жолмен реттелуіне үнемі қолдау көрсеткені үшін» алғыс айтты.
Блинкен сонымен бірге АҚШ Ауған аудармашыларына, жүргізушілерге, құрылысшыларға және Талибан құрбанына айналуы мүмкін басқа мамандарға көмектесудің барлық нұсқаларын қарастырып жатқанын айтты.
Бұған дейін АҚШ Мемлекеттік хатшысы Конгреске ауғандықтар үшін арнайы иммиграциялық визалар квотасын 8 мың орынға ұлғайтуды ұсынған болатын. Қазіргі уақытта Конгресс 26 мың орынды шектеуге рұқсат берді.