CaspianLife, 17 желтоқсан. Бұл туралы энергетика министрлігінің сайтында хабарланды, онда 2024 жылдың қорытындысы бойынша энергетика саласының негізгі жетістіктері мен даму перспективалары жарияланды.
Энергетика министрлігінің баспасөз қызметінің мәліметінше, 2023 жылдың қарашасында «Қазақстанның БЭЖ Батыс аймағының электр желісін күшейту» жобасы сәтті жүзеге асырылды. Жоба аясында «Батыс Қазақстан энергия торабы – Атырау – Маңғыстау» бағыты бойынша ұзындығы 780 км болатын 220 кВ кернеулі электр жеткізу желісі (ЭЖЖ) салынды. Бұл қадам өткізгіштік қабілетін арттыруға және электрмен жабдықтау сенімділігін қамтамасыз етуге бағытталған.
«Келесі қадам ретінде 2028 жылдың соңына дейін Батыс аймағының электр желілерін Біртұтас электр энергетикалық жүйемен біріктіру жобасы жүзеге асырылады, бұл үшін Ақтөбе және Атырау облыстарын байланыстыратын ұзындығы 604 км болатын 500 кВ электр жеткізу желісі (ЭЖЖ) салынады. Бұл Батыс аймағындағы икемді газ энергия көздерін Солтүстік және Оңтүстік аймақтардағы электр энергиясы мен қуат теңгерімсіздігін өтеу үшін пайдалануға мүмкіндік береді», – делінген хабарламада.
Қазіргі уақытта жобалық-сметалық құжаттама әзірленіп жатыр, ал құрылыс-монтаж жұмыстары 2025 жылы басталады.
