CaspianLife, 27 наурыз — Махамбет атындағы академиялық қазақ драма театрының ұжымы атыраулықтар үшін театр түнін өткізді деп хабарлайды сaspianlife.kz. Халықаралық театр күніне орай ұйымдастырылған іс-шарада әртістер ең алдымен фойеде өзіне тән декорациямен жабдықталған түрлі шығармадан үзінді көрсетті. Жарық. Сан түрлі образ. Сахнаның безендірілуі. Дыбыс… Театр түнінде көрермендер өздерін бір сәтке актер ретінде сынап та көрді. Олар аз ғана уақыт ішінде түрлі кейіпкердің образына еніп, өнер көрсетті. Бірі «Аладдин» ертегісіндегі кілемнің рөлін сомдаса, енді бірі Махамбет батыр болды. Көпшілік өздеріне мұндай мүмкіндік берген ұжымға ризашылық білдірді. Театр әртістері махаббат тақырыбында жазылған туындыларды да оқып, кешті ерекшелеуге тырысты. Шырқалған әндер де рухани түннің шырайын кіргізді.
