CaspianLife, 25 маусым — Нұрсұлтан Назарбаев Қарағанды фармацевтика зауытында өндірілген ресейлік «Спутник V» вакцинасының бірінші компонентімен егілді. Бұл туралы оның баспасөз хатшысы Айдос Үкібай Twitter-де хабарлады.
«Вакцинациядан кейін Елбасы қазақстандықтарды санитарлық-эпидемиологиялық қауіпсіздік шараларын сақтауға және белсенді түрде вакцина алуға шақырды», — деді Назарбаевтың баспасөз хатшысы.
Естеріңізге сала кетейік, 27 сәуірде ел президенті Қасым-Жомарт Тоқаев «Спутник V» вакцинасымен толық иммундау курсынан өткен болатын.