CaspianLife, 6 мамыр. Қазақстанда такси нарығына бақылауды күшейту жоспарлануда. Енді тасымалдаушылар өз деректерімен қатар, жұмыс істейтін автокөліктері туралы толық ақпаратты алдын ала көрсетуге міндеттеледі. Тиісті өзгерістер такси тасымалдаушыларына арналған хабарлама беру қағидаларына енгізілді.
Бұл бастаманы Ұлттық экономика министрі көтерді. Жаңартылған талаптарға сәйкес, такси жүргізушілері қызметін бастамас бұрын әкімдіктерге хабарлама жіберуі тиіс. Бұл ретте құжат нысаны кеңейтіліп, көлік құралы туралы мынадай мәліметтерді қамтиды:
-
автокөлік маркасы;
-
мемлекеттік тіркеу нөмірі;
-
шығарылған жылы.
Бұл деректер қызметті тіркеу кезінде міндетті болады. Ведомство түсіндіргендей, мұндай шара жолаушылар қауіпсіздігіне жауапты тасымалдаушыны жылдам анықтауға мүмкіндік береді, сондай-ақ нарықтағы заңсыз қатысушылар үлесін азайтады.
Бұған дейін хабарлама беру жүйесі нақты тасымалдаушыны белгілі бір көлікпен байланыстырмайтын. Бұл жол-көлік оқиғасы немесе басқа да инциденттер кезінде қиындықтар тудырған — оқиға сәтінде тасымалдауды нақты кім жүзеге асырғанын жедел анықтау қиынға соғатын. Енді әзірлеушілердің ойынша, «жүргізуші — автокөлік» байланысы ашық болады, бұл бақылауды жеңілдетіп, такси нарығындағы жауапкершілік деңгейін арттырады.