CaspianLife, 4 сәуір. Қазақстанда 5 сәуірден бастап мопед жүргізушілері жалпы негізде жауапкершілікке тартылады.
ІІМ ресми сайты Polisia.kz хабарлағандай, осы күннен бастап мопед жүргізушілері жол қозғалысының толыққанды қатысушылары ретінде танылады. Енді олар да көлік жүргізу ережелерін бұзған жағдайда автокөлік жүргізушілері сияқты айыппұл төлеуге міндетті болады.
Мопед жүргізушілері үшін енді не міндетті?
-
Көлікті тіркеу;
-
Жүргізуші куәлігі болуы;
-
Міндетті сақтандыру;
-
Техникалық тексеріс;
-
Қорғаныс дулығасы (шлем);
-
Мопедтің техникалық жарамдылығы.
Қандай құқық бұзушылықтар үшін жазаланады?
-
Мас күйінде көлік жүргізу;
-
Құқықсыз немесе жүргізуші куәлігінен айырылғаннан кейін басқару;
-
Жылдамдықты асыру;
-
Қауіпті маневрлер жасау және қарсы жолаққа шығу;
-
Қызыл шамға өтіп кету;
-
Жаяу жүргіншілерге жол бермеу;
-
Белгілер мен жол сызықтарын, қиылыстан өту ережелерін бұзу;
-
Рұқсат етілмеген жарық және дыбыс сигналдарын орнату;
-
Жол-көлік оқиғасына себепкер болу.
«Маңыздысы — барлық құқықбұзушылықтар автоматты камералар арқылы тіркеледі, сондықтан жазадан қашып құтылу мүмкін емес», – делінген хабарламада.
(Сурет: Polisia.kz сайтынан алынды)