CaspianLife, 9 қаңтар. Ұлы Отан соғысындағы Жеңістің 80 жылдығын мерекелеу аясында Қазақстан Республикасының Ресей Федерациясындағы Елшілігі Ресей-Қазақстан баспасөз орталығымен бірлесіп «1945. Жеңіске жол. Күн сайын» атты онлайн-жобаны іске қосты.
Қазақстанның Ресейдегі елшілігінің сайтында хабарланғандай, 1 қаңтардан бастап KeyNews телеграм-арнасында және https://dzen.ru/1945daybyday дзен-арнасында 1945 жылғы «Казахстанская правда» газетінің жарияланымдары күн сайын орналастырылуда.
«Архивтік мақалалар қазақстандықтардың майдан мен тылдағы ерліктерін жан-жақты көрсетіп, агрессорды жеңудегі олардың лайықты үлесін айқындайды. Сарғайған фотосуреттерден отандастарымыз өз туыстарын танып, олардың ерліктерінің жаңа қырларын білуі мүмкін. Бұл материалдарды «Аргументы и факты – Казахстан» басылымы да жариялайтын болады. Жоба 9 мамырда – Ұлы Жеңістің 80 жылдығы күні аяқталады», – делінген хабарламада.
Дереккөз: www.caspianlife.kz
Сурет: Caspianlife.kz редакциясы