CaspianLife, 18 сәуір — Атырау облысының Полиция департаменті ҚР ІІМ жоғары оқу орындарына 2024-2025 оқу жылына талапкерлерді іріктеу жұмысы басталғанын хабарлайды.
«Оқуға 16 жастан 25 жасқа дейінгі жастарды шақырамыз. Оқу мерзімі міндетті әскери қызмет өткеруге теңеледі және ішкі істер органдарындағы қызмет өтіліне кіргізіледі. Оқу мерзімі — 4 жыл. Оқу мерзімінде тыңдаушылар тамақпен, киім — кешекпен және стипендиямен қамтамасыз етіледі.
Қазақстан Республикасы ІІМ жоғары оқу орнын бітірген түлектер міндетті түрде ішкі істер органдарына қызметке орналастырылады», -делінген хабарламада.
Қосымша анықтаманы Атырау облысы ПД Тәрбие және кадр жұмысы басқармасының 98-21-07 телефонына хабарласып немесе №404 қызмет бөлмесіне келіп алуға болады.
