CaspianLife, 22 қыркүйек — Биыл Атырау облысы бойынша 93 есірткі қылмысы тіркелген. Бұл 2022 жылмен салыстырғанда 23 пайызға аз, деп хабарлайды CaspianLife.
Жыл басынан бері есірткі қылмысы бойынша 58 адам сотталып, оның 44-і бас бостандығынан айырылды. 36 кг есірткі және психотроптық заттар тәркіленген.
«Құрамында 7 адам бар ұйымдасқан қылмыстық топ мүшелері 4 жылдан 10 жылға дейін бас бостандығынган айырылды. Олар облыс аймағында аса ірі мөлшерде есірткі заттарын өсірумен және сақтаумен айналысқан» -деді Атырау облысы прокурорының орынбасары Ғалыман Тілеутаев.
Оның айтуынша, наақорлық пен есірткі құралдарының заңсыз айналымы халықтың ұлтына, әлеуметік жағдайына, жынысына, дініне қарамастан қоғамның дамуына, қылмыстың өсуіне, зорлық-зомбылықтың көбеюіне әсер етуе.
Облыс прокуратурасы өзіңізді және жақындарыңызды өлімге әкелетін уланудың әсерінен барынша қорғанып, салауатты және белсенді өмір салтын сақтанудың маңызды екенін ескертеді.
Атырауда есірткіні өсіріп, сақтаған қылмыстық топ мүшелері сотталды
