CaspianLife, 20 маусым – Қызылқоға ауданының Қарабау ауылына жаңа спорт кешені салынады деп хабарлайды caspianlife.kz аудан әкімдігінің баспасөз қызметіне сілтеме жасап.
Биыл кешеннің құрылысына 150 миллион теңге бөлінген. Қызылқоға аудандық құрылыс, сәулет және қала құрылысы бөлімінің басшысы Дулат Нығметовтің айтуынша, құрылыс жобасының жалпы құны — 399 млн 234 мың теңге. Құрылыс жұмыстарын жүргізуші мердігер мекеме мен техникалық қадағалаушы ұйымды анықтау үшін мемлекеттік сатып алу порталына жарияланған. Құрылыс жұмыстары биыл басталмақ. Айта кетейік, құрылыс жұмыстарын жүргізу 2023-2024 жылдарға жоспарланған. Қазіргі уақытта Қарабау ауылында 1500-ге жуық адам тұрып жатыр.
