CaspianLife, 12 маусым — Атырау облысында алдағы үш күнде қатты ыстық болады, деп хабарлайды Caspian life.
«Қазгидромет» РМК-ның сөзінше, бүгін ауа температурасы күндіз 34-36 градус болса, 13-14 маусымда 36-38 градусқа дейін көтеріледі. Ал, түнде температура 23 пен 25 градус аралығында болмақ. Ертең күндіз желдің екпіні секундына 7-12 метрге дейін жетсе, түнде 1-6 м/с-қа дейін бәсеңдейді. Ал, 14 маусымда желдің жылдамдығы 9-14 м/с-қа дейін жетеді деген болжам бар.
13-14 маусым күні облыстың батысында шаңды дауыл соғады. Ал, «оңтүстігінде ауа температурасы 40 градустан асады» деп ескертеді «Қазгидромет» РМК.
Фото: Рахим Қойлыбаев
