CaspianLife, 17 наурыз — Рамазан айында Атырау облысындағы мешіттерде күн сайын 3700 адамға ауызашар беріледі, деп хабарлайды Caspian Life Caspian News арнасына сілтеме жасап.
Оның ішінде «Иманғали» мешті тәулігіне 500 адамның ауызын ашпақ ниетте. Ол үшін Алла үйінің ауласына 3 киіз үй тігіледі. Мұның бәріне қайырымды жандар мен кәсіпкерлер атсалысады дейді облыстың бас имамы. Биыл рамазан айы наурыздың 23 күні басталып, 20 сәуірде аяқталады. Сәуірдің 17-сінен 18-іне қараған түн – Қадір түні. Ал пітір садақа 535 теңге немесе екі келі ұнның бағасы. Сондай-ақ осы айда мешіттерде құран мен намаз оқуды үйрететін курстар ашылмақ.