CaspianLife, 16 қаңтар — Непалдың Покхара қаласында ішкі рейс ұшағы апатқа ұшырап, 72 адам қаза тапты, деп хабарлайды CaspianLife.
Ұшақ бортында 68 жолаушы және экипаждың төрт мүшесі болған. Бұл – елде кейінгі бес жылға жуық уақытта болған ең ірі апат. Непал азаматтық авиация басқармасының өкілі Джаганнатх Нирула күннің ашық болғанын атап өтті.
«Кеме Сети шатқалынан әуежаймен таңғы сағат 10:50-де (Гринвич уақыты бойынша 05:05) байланысқа шықты», — делінген авиациялық мекеменің мәлімдемесінде.
Содан кейін ұшақ апатқа ұшырады.
«Ұшақ екіге бөлініп, жартысы тау баурайында, қалған жартысы өзен шатқалына құлап кетті», — деді жергілікті тұрғын Арун Таму.
Hindustan Times газетінің хабарлауынша, апатқа ұшыраған бортта шетелдіктер болған: 5 үнді азаматы, 4 ресейлік, 1 ирландиялық және 2 оңтүстік кореялық. Кейбір БАҚ бортта Австралия, Франция және Аргентина азаматтары болғанын хабарлады. Непалда болған ұшақ апатынан кейін Ети Эйрлайнс компаниясы жолаушылар тасымалын тоқтатты.
