CaspianLife, 29 маусым — Оқиға «Көктем» шағын ауданындағы 12-ші көшеде орын алған. Көлік жүретін жолда «ВАЗ-2114» автокөлігі мен мотоцикл соқтығысқан. Полиция департаментінің баспасөз қызметінен хабарлағандай, «ВАЗ» жүргізушісі көлікті тастап, оқиға орнынан қашып кеткен.
Ал мотоцикл жүргізушісі апат салдарынан ауыр жарақат алған. Қазір ол қалалық ауруханалардың бірінде реанимация бөлімінде жатыр. Жүргізілген жедел-іздестіру іс-шаралары барысында қашып кеткен жүргізушінің жеке басы анықталып, өз жұмыс орнынан іздеген.
«Сонымен қатар, күдіктінің жүргізуші куәлігі жоқ екені белгілі болды. Қазіргі уақытта барлық жиналған құжат сәйкестендіру бөліміне жіберілді, тергеу жүргізілуде», — деп хабарлады полиция департаментінің баспасөз қызметі.