Caspian Life, 11 қараша. Каспий теңізінің Қазақстанға тиесілі секторында орналасқан Кулалы аралында 70-тен астам итбалық (тюлень) мәйіті анықталды.
Бұл туралы Маңғыстау облысының экология департаменті хабарлады. Ресми мәліметке сәйкес, мәйіттер 8 қарашада мониторинг жүргізу кезінде табылған. Мониторингке экология қызметкерлері, балық инспекциясы мамандары және Гидробиология және экология институтының сарапшылары қатысқан.
«Мониторинг барысында 71 итбалық мәйіті табылғандықтан, су үлгілерін алу жұмыстары жүргізілді», — деп хабарланды департаменттің ресми хабарламасында.
Қазіргі уақытта мәйіттердің өліміне себептерді анықтау үшін қосымша зерттеулер жүргізілуде.