Биылдан бастап өңірде заңды тұлғалар үшін жылу тарифі 8% -ға өскен. Бұл мәлімет «Атырау ЖЭО» АҚ басшылығы мен табиғи монополияларды реттеу комитетінің кәсіпкерлермен кездесуінде белгілі болды. Бірнеше айдан бері жылу түбіртегіндегі баға қалтаны қаққанымен қоймай, онсыз да жығылған кәсібімізге жұдырық болып отыр дейді кәсіпкерлер.
Нұрия КЕРЕМҚҰЛОВА, кәсіпкер
Мен ай сайын 50-60 мың, ең көбі 80 мың теңге төлейтінмін. Қараша айында 57 мың, желтоқсанда 110 мың, қаңтарда 176 мың теңге төлем жасадым. Неге бұлай?
Айтса-айтқандай тариф құны өскен. Ең қызығы, бұл жөнінде кәсіпкерлерге бір ауыз ескертілмеген. Наразылардың сөзінше, мағлұмат еш жерде жарияланбапты. Ал монополистер болса қоғамдық тыңдау өткізіліп, тіпті ақпараттың сайтқа шыққанын айтады. Бағаны барынша бақылауда ұстауға күш салдық дейді олар.
Бюджеттік ұйымдар үшін тариф бірден 27% -ға өскен. «Атырау ЖЭО» АҚ мұны «Интергаз Орталық Азия» АҚ-ң газ тасымалдау тарифін екі есеге көтеруімен түсіндірді.
Жарқынай Қанатова