Caspianlife, 26 ақпан. Биыл қазақстандық лоукостер FlyArystan Қазақстанның төрт қаласынан Грузияға тікелей рейстерін жалғастырады.
FlyArystan баспасөз қызметінің хабарлауынша, Кутаисиге тікелей рейстер Алматыдан, Астанадан, Ақтаудан және Атыраудан қолжетімді болады. Шамадан тыс жүктемелі кезеңдерде авиакомпания әр қаладан аптасына бірнеше рейс орындайды. Мысалы, Қазақстанның батысындағы екі қаладан ұшулар кестесі:
Ақтау – Кутаиси – Ақтау
-
16 наурыздан 27 наурызға дейін – дүйсенбі және жұма күндері;
-
1 сәуірден 23 қазанына дейін – сәрсенбі және жұма күндері, 1 маусымнан 31 тамызға дейін қосымша дүйсенбі күндері.
Атырау – Кутаиси – Атырау
-
3 наурыздан 26 наурызға дейін – сейсенбі және бейсенбі күндері;
-
31 наурыздан 30 мамырға дейін – сейсенбі және сенбі күндері, 7 мамырдан 28 мамырға дейін қосымша бейсенбі күндері;
-
2 маусымнан 30 тамызға дейін – сейсенбі, бейсенбі, сенбі және жексенбі күндері;
-
1 қыркүйектен 24 қазанына дейін – сейсенбі және сенбі күндері, 3 қыркүйектен 24 қыркүйекке дейін қосымша бейсенбі күндері.
Кутаиси – Батыс Грузиядағы жетекші туристік қалалардың бірі және аймаққа саяхатқа шығудың ыңғайлы нүктесі. Қала арқылы Қара теңіз жағалауына, таулы маршруттарға және танымал шарап аймақтарына оңай жетуге болады. Көктем-жаз кезеңі жұмсақ климаты мен әртүрлі мәдени шараларымен саяхат үшін ең қолайлы уақыт болып саналады.
Сонымен қатар хабарламада Кутаисиге тек демалуға ғана емес, жергілікті әуежайдан Еуропа елдеріне жалғастырып саяхат жасауға да болатыны айтылған. Сондай-ақ, FlyArystan сайтындағы «Әлемді ұшып көр» қызметі басқа авиакомпаниялардың рейстерімен ыңғайлы қосылысты бір іздеу арқылы таңдауға мүмкіндік береді. Грузияға және басқа бағыттарға билеттер FlyArystan мобильді қосымшасы, www.flyarystan.com сайты және ресми сату арналары арқылы брондалуға қолжетімді.